Шаноўныя чытачы,

рады прэзентаваць вам наступныя кнігі, выданыя на беларускай мове. Калі нейкія з іх Вас зацікавілі, запоўніце, калі ласка, заказ. Кнігі на мове арыгінала можаце паглядзець, перайшоўшы на чэшскую версію сайта.

Для дзяцей і моладзі

	Марцін Кунетка: Гісторыя Барнабаша – Куфар з ільмавым лістком
	ISBN:	978-80-89847-47-1
	Год выдання:	2023
	Колькасць старонак:	416
	Ілюстрацыі:	Zdeněk Jirků
	Выдавецтва:	Fénix
	Дванаццацігадовы Барнабаш больш за ўсё марыць, каб мог выправіцца з татам, гандляром, падарожаваць па далёкіх краінах. Хоць гэтае жаданне не спаўняецца, але затое яго чакае зусім іншая прыгода, калі рыцар Марэк з княскага замка зробіць хлопчыка сваім новым пажам. Барнабаш адразу пападае зусім у іншы свет: вучыцца фехтаваць, ездзіць на кані, аднак і мусіць адольваць крыўды ад старэйшых хлопчыкаў і дарослых. Да таго ж ён яшчэ не здагадваецца, што ў замкавым сутарэнні ёсць таемны куфар і што сам, дзякуючы яму, уцягнецца ў вір падзей, ад якіх залежыць лёс усёй краіны.
	УРЫВАК

	Марцін Кунетка: Падарожжа за падснежнікам
	ISBN:	ISBN 978-80-89847-4
	Год выдання:	2022
	Колькасць старонак:	452
	Ілюстрацыі:	Гана Кунеткава
	Выдавецтва:	Fénix
	Мацей — звычайны ганчар, жыццё якога мяняецца, калі аднаго дня ён уведвае пра далёкую зямлю, дзе людзі жывуць пад уціскам бязлітаснага тырана, і разам з сястрою Паўлінаю ўздумвае выправіцца ім на дапамогу. Яны яшчэ не ўяўляюць, якія пасткі чакаюць іх у дарозе. На шчасце, яны атрымваюць два компасы, якія заўжды паказваюць правільны кірунак… Дасылка з Літвы.
	УРЫВАК

	Марцін Кунетка: Пра чарадзейную скрыначку ды іншыя казкі
	ISBN:	978-80-89847-33-4
	Год выдання:	2022
	Колькасць старонак:	114
	Ілюстрацыі:	Гана Кунеткава
	Выдавецтва:	Fénix
	Казкі, напоўненыя тонкім гумарам, дабратою і пяшчотаю, упадабаюцца не толькі маленькім чытачам, але і многім дарослым, хто мае трошкі добрую волю на тое, каб пазнаць у тых гісторыях сябе і сваё атачэнне. Толькі электронная версія (сцягванне ў фармаце PDF).
	УРЫВАК